Kebudayaan Banyumas - bagian 1

Sambil menunggu kedatangan anakku dari Yogya, aku lek-lekan sambil browsing di google. Ia akan tiba dirumah pukul 2 dinihari. Maklum pekan ini libur 3 hari. Long weekend, kata orang. Sambil lek-lekan begitu, pikiranku berlayar kian kemari. Mengingat bagaimana, kotaku Cilacap berkembang dari masa ke masa. Tentu, banyak yang berubah. Takada yang abadi, karena yang abadi justru perubahan itu sendiri. Lahan berubah, orang orang bertumbuh dan berganti, cara dan gaya hidup pun demikian. Diam diam aku merasakan pergantian itu. Ada yang hilang, meredup, berganti dengan yang baru, datang terang. Demikianlah, kebudayaan disekitarku berada dalam perubaahan itu. Kebudayaan Banyumas.
Nah, barusan itu pengantar doang. Selanjutnya aku akan pakai bahasa Jawa Banyumasan, orang lain sering meledeknya dengan sebutan bahasa "ngapak". Ayuh...

Bawor, nek nang wayang banyumasan, nganggo basane ngapak.

Kiyeh mbekayune, kenangapa logat Banyumasan sok diarani basa "ngapak-ngapak"? Ujarku, kuwe kaya ledekane Jawa Mataraman, sing basane jare lewih lemes, lewih mriyayi. Biasane diarani ngomong jawa Bandhek. Bedane nek Banyumas "a" nek jawa bandhekan munine dadi "o". Contone, nek mBanyumasane "ora apa apa", nek Solo Jogjane munine dadi "ora opo-opo". Mulane mBanyumasan diwadani "ngapak-ngpak". Ning ujarku ya kudune ora kaya kuwe. Ora nana logat basa sing salah atawa ala. Logat basa, jarene ahli linguistik, anane logat kuwe ora ujug-ujug. Mesti ana proses budaya sing dawa karo suwe banget. Kahanan geografis mBanyumas antarane Jawa tengahan karo Sunda, mesti dadi merga. Trus mesthi ana faktor liyane, kayadene sikep bathin budaya wong mBanyumas maring tangga atawa ngalam dunya (world of view). Mulane ujarku, ora ana alesane nek wong mBanyumas ngrasa basane ala. Apa maning nang jaman siki (abad 21) sing jenenge budaya lokal, malah diregani nang wong liya.
Inyong mulang bocah bocah wis awit th 90an. Keton banget, bocah bocah sedina dina wis molai nganggo bahasa Indonesia. Akeh kosa kata sing wis molai pada ora dienggo. Inyong nyawang, nek siki pada kaya kuwe, mengko mengkone suwe suwe jawa ngapak molai pada ilang. Kuwe maksude inyong nulis budaya yang meredup, nang duwur mau.
Nah, men ora kedawan olehe ndopok, kiye link tulisane. Gari di klick, engko ana tulisane sing ilmiah:
http://books.google.co.id/books?id=h-8_if2Cwf8C&printsec=frontcover&source=gbs_ge_summary_r&cad=0#v=onepage&q&f=false

atawa nang kene:
http://www.academia.edu/6349356/MAKALAH_BUDAYA_BANYUMASAN

Ya wis, tek terusna ya..
mau mbengi, karo ngenteni tekane bocah, inyong jajal ngrungokena gending Banyumasan. Tek mat na unine, lirike, njur spirit kreatif sing nyiptakena kuwe gending, jan... ala biyung.. maen banget. Jajal, kie contone syair lagu "kewer-kewer":

wer kewer, kewer, kewer,
ngawa klasa dikewer kewer.

wer kewer, kewer, kewer,
turu ngumah ngalih ngemper.

wer kewer, kewer, kewer,
metu lawang kesandung ember.

wer kewer, kewer, kewer,
banyu udan kuwar kawer.

Nek tek mat na, syair kaya kuwe mung bisa dilairna nang budaya sing masarakate ora feodal, ora ngeningrat. Basan kaya kuwe, kayadene cara basane wong glewehan, ora ngrasa ana watesan etika, ning apik murwakanthi.  Trus gendinge ya ora "mendayu dayu", ning gemrigah, semringah, dinaamis. Jajal bandingena karo gending "kebo giroan". mesthi beda banget.
Jajal link nang ngisor kiye di klick:

http://www.youtube.com/watch?v=n6se8ZX_r4s

Sethithik maning, sejarahe basa mBanyumasan.
Miturut makalahe Dwi Meilani, basa mBanyumasan ngalami patang zaman sing marakena basane owah:

1. Abad ke-9 - 13.  Esih nganggo Jawa Kuna. 

2. Abad ke-13 - 16. Dadi basa Jawa abad pertengahan.

3. Abad ke-16 - 20 Dadi basa Jawa Banyumasan anyar.

4. Abad ke-20 - tekan siki, dadi Basa Banyusan modern, sing wis nyerep basa basa liane sekang budaya modern.  

ya wis, kaya kuwe critane inyong lek lekan kambi nunggoni bocah teka. Mengko tek terusna maning ya, kae bocah wis dodog dodog lawang.. wer kewer, kewer, kewer.. metu lawang kesandung ember... aduh biyung...
(ester, 17 april 2014)